Powered By Blogger

love will last for ever

Thursday, February 28, 2008

محاكمه حب


بيحكموا قلبى انه لقا حبيبه ليه

الحب عيب ولا الزمن قاصد عليه

ازاى يسيبه وهو منه

والقلب واحد غصب عنه

لحظه ما شافه اتفك اسره

مع انه كان فى سجن نفسه

حسيت معاه بكل الامان

فى نظره عيونه كلام حيران

مستنى قلب كبير يلاقى

معاه وفيه كل الكلام

اللى ياما نسيه فى سهر

لياليه بيدور على الامان

وانا قلبى كان محتاج

انسان يحس بشوقه ليه

بندور ليه فى كل مكان

على قلب نلاقى فيه

كل اللى كان ايام زمان

نحلم نشوفه فيه

واما نلاقيه ونحس بيه

نقول احساس جميل

ونقول كلام ولا فى الاحلام

والاخر مستحيل

اموت اموت ولا ثانيه افوت

قلبه الى حلمت بيه

وانشاالله اروح لاخر الكون

ماشى قصاد عنيه

بقول اهواك وحياتى معاك

مستنى تانى ايه

بكون وياك وفى حضن هواك

واقف عينى فى عنيك

عيزنى اموت لحبى ليك

اموت خلاص مادام وياك

والله حرام اموت واسيب

دمعه تنزل من عنيك

ولو هموت اتمنى اعود

وامسح بايدى عنيك

واخر الكلام اكيد حرمان

انا روحى طيف حوليك

هيعيش معاك دايب فى هواك

يفرح لفرح عنيك

وحاكموا قلبى واتظلم

على حبه ليك

بس النهايه انا روحى فيك

مهما حصل ديما حوليك

العراف

8 comments:

mnoon said...

حينما نحب
نتمنى أن نخبر الجميع
بأننا نحب
فليس الحب
ما يستحق ان يخجل منه البشر

العراف said...

لاكن فى بعض الاحيان بعض الناس تخجل منه لانه لا يتناسب معهم من حيث كل شىء ودايما يقولوا ان احنا صغيرين وما نعرفش مصلحتنا شكرا يا منمن على زيارتك بس ممكن سؤال هو انت اسمك منى لو مش عايزه تجاوبى عااااااااااااادى

mnoon said...

أيوه
إسمى منى
ومش حجاوب عليك ليه؟؟؟

العراف said...

لا عادى يمكن ما بتحبيش تعرفى حد اسمك وانت مالك افشتى عليا كده انا بهزر

Unknown said...

الحب شعور جميل مش بيهاجمه غير المحروم منه

العراف said...

عندك حق يا اسراء
الحب احساس لما نحسه بنسى الناس
والعالم كله يقدم ماس يوم يحب القلب خلاص
شكرااااااااااا على مرورك وبجد نورتى المدونه

walaa said...

vwهقولك كلمه واحده
مبروك ليك على الحب والاخلاص ده
انت ممكن تحافظ على الحب ده ده بايدك انت
دام لك حبك
ولاء

العراف said...

شكرا ياولاء على كلامك الجميل ده اللى كل مره بتزينى بيه صفحتى واتمنى انا كمان واتمنالك انت ايضا التوفيق