Powered By Blogger

love will last for ever

Tuesday, December 16, 2008

ليه يا قلبى




ليه يا قلبى حبينا قلب ماحبناش

بينا ليه احساس و هو محسناش

للدرجه مش قادر تدارى هواه

كفايه حرام تعبنى الشوق معاه

مش قادرتتخلى عنه

ولا قادر تنسى هواه

وان قابلته اوعاك لتضعف

لاياقلبى اثبت معاه

اوعى يا قلبى تحن ليه

اوعاك تصدق كلام عنيه

اه ده كله كلام فى كلام

قلبه عمره ما كان انسان

العراف

Wednesday, December 10, 2008

اقول انساك

اقول انساك ما بقدرش

بموت م الخوف وانا لوحدى

يجينى هواك يعذبنى

وايه تانى هيجرحنى

وادى حال الدنيا مش فارقه

اعيش فى حياه ماليش لزمه

وايه حالى وانا جامبك

ومش عارف اقول همسه

ليه تانى الحب يرجعلى

مافيش امل انه يسمعنى

وبتعذب وانا جامبك

وجرحك فيا ضيعنى

العراف

Monday, December 1, 2008

تفتكرى انا هبقى


عمرك ما هتتغيرى ابدا

لو حتى بموت هنا ادامك

حسانى كانى واحد عادى

مش فارقه معاكى يا حياتى

فكرانى انا الغلطان لاكن

كان هو الصح انى اسيبك

ولا يوم فكرتى ايه اللى تعبنى

واما عرفتيه فتعبتينى

ما اقدرش افكر غير فيكى

وروحى بتنده لعنيكى

وقلبى كتير مشغول بيكى

تفتكرى اناهبقى فى يوم ليكى

العراف

Thursday, November 27, 2008

كلمه بحبك


يعنى ايه كلمه بحبك

كل حرف ينادى اسمك

والحروف اهى كلمه واحده

هيا انت يا حبيبتى

صعب افكر انى اسيبك

ده انا لو بموت لو فين هجيلك

وافرش جناحى عشان عيونك

يا حبيبتى ده مش بايدك

ليه يا قلبى اخترت صح

اديك بتموت اليوم فى شهر

وانت بعيد عنها و لكن

حبها جواك ده قصر

العراف

Saturday, November 22, 2008

الله على عيونك


الله على عيونك

بحبك بجنونك

ويا عينى على كسوفك

وانا عينى فى عينك

مش قادر اتخيل

وانا جامبك مش هين

عليا انى اسيبك

لو حتى لثوانى

ياما نفسى تتكلم

من قلبى تتعلم

وان حتى لو كلمه

انا راضى يا معلم

بحبك يا حياتى

يا عمرى الاتى

هعيشه انا وانت

فى عالم تانى

العراف

Monday, November 17, 2008

اسف بجد


اصعب حاجه فى الدنيا لما تحب بجد

وماتلاقيش الحب اللى انت حبيته

صعب تفكر ان حبيبتك تكون لغيرك

ولو لحظه صعب تفرط فى كل لحظه

عشتها من عمرك تتمنى تكون معاها

صعب تفكر ان هيجى يوم وتبعد عنها

صعب تعيش حياتك بلا احساس

صعب تفكر ان حياتك مش حياه

صعب تفكر قد ايه ضحيت

وللاسف مش لاقى البيت

صعب تفكر ان الامل بيموت

يوم بعد يوم

صعب تعيش فى حياه ملهاش لزوم
صعب

صعب صعب

قد ايه الحب كان احساس مقدس

وليه فى لحظه كل المعاير اتلغبطت

قد ايه بنموت كل يوم من قلوبنا

قد ايه احساس الحب بياكل قوتنا

قد ايه عايشن عشان بكره ولمين

لاهلنا هما اللى بقين لنا

هما اللى بيحبونا بجد

بس للاسف مش هيحسوا بينا

اتغير فيا حاجات كتير

مش قادر اتكلم مش قادر افكر

اعزرونى اعز اصدقائى الحب شىء مقدس لاكن فى عالم تانى اتهدم من جوانا لغبطنا كل احواله انا اسف بجد على الاطاله انا اول مره اكتب كلام عادى بس اعزرونى مش قادر اقول الاه الا فى الاغانى بس للاسف ايدى مشلوله عن الكتابه وقلبى محطم بين الذكريات واحساسى اتشتت بين العبارات اسف بجد।
انسان ميت

Tuesday, November 11, 2008

من بعيد لبعيد


من بعيد لبعيد

حاسه جوه منى

وهو منى غريب

شايفه بعنيا واقف

يتكلم معاه

ما عرفشى انا ايه حصلى

مستحيل انساه

من كتر ما اشتقت ليه

انا قلبى هيموت عليه

و خايف اغيب عنه

ارجع اشتاق اليه

حبه ليه معناه الحياه

من النهرده لايوم هنساه

مع انه سابنى وراح ولا جاش

بس قلبه اكيد ما نساش

العراف

Sunday, November 2, 2008

قلبى ندالك


انا قلبى ندالك

حن عليه قرب وتعالى

وبلاش اللوم ما تشلش عنيك

وتسبيه فى حاله

من غير ما تقول

انا ليك على طول

من يوم ندانا

ولا يوم هنساك

ده انا قلبى نداك

من يوم رؤيانا

ومافيش ولا يوم بيعدى

غير وانت معايا

فى كل مكان الاقيك

انسان عايش جوايا

ياارق ملاك انا عاشق فيك

روحك يا منايا

العراف

Monday, October 27, 2008

ابتدا المشوار


اهداء الى كل من سرق منه الموت اعز ما يملك



فى لحظه ابتدا المشوار

ولحظه سار بقى اللى سار

وعيون عشقت عيون

وكان حب الجنون

فتحت عينى فى مره

مالقتش روحه فيه

وكان روحى بره

جسمى بتبكى عليه

سالت روحى ليه كده

هنت عليه بالشكل ده

كان روحى فيه وهو راح

سبنى اقاسى حبنا

كان قلبى شايف فرحه

بتجرى قصاد عنيه

وفى نفس الوقت شايف

عمره شريط حواليه

عيون كتير زعلانه

على حزن مالى العين

وعيون كتير حيرانه

على حب ضاع وانين

العراف

Friday, September 26, 2008

انا والنجوم وهواك


انا والنجوم وهواك

حياتى يا عمرى فداك

لو غبت لحظه بعيد

هتلاقى قلبى يجيك

فى كل مكان بيكون

لينا مكان فى الكون

وعلامه حب جنون

تشهد على احلى ملاك

يا حبيبى انا مش بناديك

انا روحى دى ساكنه فيك

من غير ما تقول وتعيد

يا حبيبى قمرنا قريب

بيكون على طول ويانا

قمرنا ده احلى صبانا

ومعاه بنعيش ونعيش

طايرين فى سمانا بعيد

العراف

Thursday, August 14, 2008

نبض قلبى انين


حلمت بيه

وكلامه ليا الله عليه

فى كل ليله بنادى عليه

وحلمى يطول ويطول لياليه

سنينى سنين عمرى بنادى عليك

حبيبى يا روح القلب غيرك مين

تعالى بقالى كتير بنادى عليك

ناسينى فضلت كتير مخبى عليك

ودينى جايك ياعمرى ملك اديك

خبينى من كل الدنيا جو عنيك

وادينى جنه بعيده عن الاحلام

خلينى اعيش وياك على الانغام

يا حبيبى فى بعادك مش عارف انام

ده حكايه بدات فى قلبى من سنين

وروايه كتبها حبى للعاشقين

مش قادر نبض قلبى انين

العراف

Thursday, August 7, 2008

معنى حبى ايه



عرفت معنى حبى ليك ايه

حياتى ليك من غير ما اقول فيك

كلام كتير هيكون قليل عليك

ده حبى ليك كان شويه عليك

عرفت معنى للحياه وياك

كان معنى تانى قبل ما اهوك

مسكت ايدى وخدتنى جواك

ورتنى شوق مليان دفا خلاك

تقول كلمات وتشدنى لدنياك

خلتنى اطير زى الفراشه معاك

ولا يوم هقول انى فى يوم هنساك

ويوم ما اقول تبقى نهايتى فداك

بدعى ولو مره اشوفك يوم

فى حلم يكون اكبر من انى اقوم

لدنيا تايهه واكون انا المهزم

وليه اقوم ما افضل ما معاك فى النوم

روحى قصاد روحك تنادى عليك

ولا اتعب قلبى واسهر افكر فيك

ده انت فى مكان مافيهوش لانوم ولا ليل

من يوم ما رحت اسرتنى فى عنيك

العراف

Tuesday, July 29, 2008

بكون بيت


مركب شراع فى وسط النيل

فى وقت غروب الشمس الليل

تبان خطاويه وحكاوى زمان

وكلام الليل ولا فى الاحلام

بيقوله زمان كان فى انسان

عاشق ليلاه ونجومها كمان

بيقول كلمات من قلبه تعيش

وتعيش وتعيش فى ودان الناس

معقوله زمان كان فى انسان

وحب جنون اخره الحرمان

بيدافع عن كل مشاعره

وان حط حياته على كفه

ويحارب كل قريب وبعيد

علشان لو يوصل لحبيبه

ياما قالوا وعادوا فى حكايه

دفنها الليل يا صبايا

وحكايه احمد و.......ه

هتكون من بكره على مرايا

حلم حياته العمر يطول

ويلف معاها نجوم وبحور

على قد ما يقدر حبه يكون

من بعد مماته طيف مسكون

فى قلب حبيبه فى كل مكان

وان حتى يروح لمكان ملعون

وانا بدعى لربى وانا انسان

وبخاف من ربى عقابه كمان

وبقله يارب انا حبيت

واتمنى تبارك لينا البيت

وان حتى فى عشه انا مليت

لكلام انا لسه بكون بيت

العراف

Saturday, July 19, 2008

دايما ليا


بحلم باليوم اللى هشوفك فيه يا حبيبى
ولا يوم بنساك ده انا يوم ما انساك تبقى مالينى
تملالى الكون لو فين هتكون انت نصيبى
وبلف العالم كله مافيش زيك تانى

خلينى معاك خليك جمبى
خليك هنا جمبى وفى حضنى
محتاج لحنانك طمنى
من خوفى عليك لتغيب عنى
بغمض عينى انت معايا
فى حلمى صورتك جوايا
ويوم ما هموت هفضل جامبك
وروحى تكون ساكنه فى قلبك
اليوم فى بعادك سنه جايه
من غيرك تايهه فى الدنيا
لو لحظه تفوت من حوليا
بتمنى تكون دايما ليا

العراف

Sunday, July 6, 2008

انا المظلوم


قلبى احتار بين جنه ونار

الغدر كتير والحب مرار

سكون الليل اشواق الميل

اسرانى فى دنيا من الاسرار

عنيا تغيب عن نفسى فى يوم

تلاقينى نسيت انا مين فى الكون

طب راجع الوم نفسى على ايه

ده ما فيش مخلوق ما جرحش فيه

بحاول اكون انسان فى الكون

وصلح كل دمار مسكون

فى دنيا كبيره من الاحلام

ساكنه عقول ما فيهاش انسان

كنت بقول الحب ده صور

حوليه الغربان تلف تدور

واما حاولت اعدى الصور

ما لحتش اقول انا المظلوم

العراف

Tuesday, July 1, 2008

صعب احب


صعب احب فى يوم والاقى حبى ضايع

بين ظنونى ويا روحى تقول وسامع

كلام كتير ما افهمش منه غير اطاوع

حلم يمكن فيه نصيب حبى الى ضايع

كل ما اجى واقول بحبك ...........القى روحى

القى روحى تنسى اسمك...........اه ده خوفى

واما بفضل ثانيه جامبك قلبى يرسم فيا صورتك

واما ببعد لحظه عنك........................بحس ايه

شوق ملانى واللى جانى فى حلمى يمكن مستحيل

انى مره هقول بحبك اه ويمكن مش بعيد

شوقى خدنى لحد عندك صعب يرجع من جديد

يكون لوحده وغصب عنه شوقه ليك عمال يزيد

كل اه انا عشت فيها بالف اه.

الف اه جوايا ليها دى الحياه

نفسى اقول لو كلمه واحده

كل كلمه بتناديها

العراف










Monday, March 10, 2008

لسه بغنى




مش قادر اسكت على الى بيا الحزن لو مش فى عنيا


اكيد تلاقيه جوه منى عمال يقطع فيا


على الارض مش بتحرك وقلبى تلاقيه متغرب


بين الغروب والشمس فين راحت ومش هستغرب


ارجع اروح فى طريقى امشى انا ونصيبى


والحزن مالى سنينى وانا برضه لسه بغنى


عمال اموت واتقطع من كتر شوقى لمطلع


بس السحاب هيعدى يمكن يشلنى اعدى


كل الجبال واتحرر من قيدى وامش لوحدى


وانا برضه لسه بغنى مع ان حلمى قاتلنى


ما قدرتش امشى لوحدى والخوف ورايا بيجرى


اجرى واتوه نفسى بس النهايه بدايتى


القى نصيبى وبختى فى الكون ده ما فى زيي


وقمرى هو حاسدنى على حبه ليا ساعدنى


على همى شال من عينى وادانى سحر مالينى


نور حياتى وقلبى من قلبى ليك يا حبيبى


العراف

Thursday, February 28, 2008

محاكمه حب


بيحكموا قلبى انه لقا حبيبه ليه

الحب عيب ولا الزمن قاصد عليه

ازاى يسيبه وهو منه

والقلب واحد غصب عنه

لحظه ما شافه اتفك اسره

مع انه كان فى سجن نفسه

حسيت معاه بكل الامان

فى نظره عيونه كلام حيران

مستنى قلب كبير يلاقى

معاه وفيه كل الكلام

اللى ياما نسيه فى سهر

لياليه بيدور على الامان

وانا قلبى كان محتاج

انسان يحس بشوقه ليه

بندور ليه فى كل مكان

على قلب نلاقى فيه

كل اللى كان ايام زمان

نحلم نشوفه فيه

واما نلاقيه ونحس بيه

نقول احساس جميل

ونقول كلام ولا فى الاحلام

والاخر مستحيل

اموت اموت ولا ثانيه افوت

قلبه الى حلمت بيه

وانشاالله اروح لاخر الكون

ماشى قصاد عنيه

بقول اهواك وحياتى معاك

مستنى تانى ايه

بكون وياك وفى حضن هواك

واقف عينى فى عنيك

عيزنى اموت لحبى ليك

اموت خلاص مادام وياك

والله حرام اموت واسيب

دمعه تنزل من عنيك

ولو هموت اتمنى اعود

وامسح بايدى عنيك

واخر الكلام اكيد حرمان

انا روحى طيف حوليك

هيعيش معاك دايب فى هواك

يفرح لفرح عنيك

وحاكموا قلبى واتظلم

على حبه ليك

بس النهايه انا روحى فيك

مهما حصل ديما حوليك

العراف

Monday, February 18, 2008

انت عارف


انت عارف انك وحشنى

طب ليه تخبى منى عنيك

ده الى مصبرنى وانت بعيد عنى

كلام عنيك بتقول انا ليك

ورحى فيك وبين اديك .........ادام عنيك

مستنى اقرب فرصه

اجرى عليك مش هنسى

ومعايه اجمل زهره.... اهديها ليك

واقول كلام مش هقدر

اوصف جماله يا سكر

والعين تدمع وانت فى ضى العين

واحشنى وانت جمبى

عينك بتخطف قلبى

لحظه ما ترمش عينك

قلبى يسبنى يجيلك

اعملك ايه يا مدوبنى

بجمال عنيك انت ساحرنى

كلمه بحبك ديه

اجمل ما عندى هديه

نفسى فى مره تطمنى

وتقولى كلمه تريحنى

من همى بس ومن غلبى

نفسى فى مره تكون جمبى

هسيب حياتى واجيلك

مش قادر اصبر واسيبك

وانت بعيد بناديلك

مستنى ردك يا حبيبى

ياما سهرت وهسهر

على ضوء شموعى بفكر

معاد رجوعى قرب

مشتاق اشوفك اقرب

من الغربه كنت بهرب

واناهه هعود مش هرب

مستنى افتح عينى

واشوف عنيك تنادينى

والفرحه تملك عينى

وانا بقولك يا حبيبى

العراف

Monday, January 21, 2008

انا عارفك



انا عارفك من عنيك شايفك

من اديك حاسك من عنيك السود

خايف اطمن قلبى اجرح قلبك

خايف ادارى الجرح اكشف جرحك

ضمينى اكتر بين اديكى

خلينى انسى شوقى ليكى

والثانيه حتى فى بعدى عنك

بخاف تفوت لو مش معاك

وفى النهايه تجيلى وانت

شايله صورتى وليه تغنى

على قلبى مش ناقص كمان

قلبى ما نسيش اللى كان

هموت اكتر من اليوم اللى قبله

وانت بعيد ما فيش غيرك انا هحبه

ولو هيفوت العمر هشتقلك

ده انا بحبك من قبل ما اقبلك

بخاف كتير من نفسى اجرح نفسى بيكى

وانا قلبى كان انسان اسير فى حبه ليكى

وكنتى عارفه ان علاجى هو انتى

رميتى ليه مفتاحى ومشيتى

كل الحكايه انه صعب قلبى عليا

وكان مصيره الانتحار ادام عنيا

واقف هنا مليان اهات

والشوق بيقتل فيا

دموع كتير فى كل مكان

انسان حزين على الشاطىء

سواد العين ولون الليل

والدمع سيل ما لوش اخر

دموع الحزن سارقهم

فى ليل الفرقه عزبهم

سكون الحرف يقتلهم
والليل يزود احزانهم ...........................انا عارفك
العراف

Wednesday, January 9, 2008

مشوار حياتى



حاسس يا قلبى انى بعيد عن عنيه

ونبض قلبى جوه منه بيناديه

طب حس بيه ده انت منه وهو فيك

ياالى بموت كل يوم ادام عنيك

اخر كلامه قصاد عنيا ابتدا

لحظه ما قالى انه مسافر وقتها

تاهه قلبى منى وسبت ايده واترميت

فى حضن فرقه كبيره وصلت انتهيت

وزاد عليه انى بحبه ده هنا

قلبى وعمرى نور حياتى كلها

فاكر زمان لحظه ماجات عينك هنا

سلمت قلبى فى ثانيه ليك سلمتها

كل الى باقى من حياتى والقمر

يشهد عليا والنجوم شافوا السهر

دمعه عيونى غرقت ارضى هنا

وهناك تلاقى كل شبر باسمنا

اسمى واسمك مكتوبين فوق الحجر

وحبنا المكتوم فى لحظه يتشهر

بعد فراق طال انتظاره

يرجع هوى قلبى وناره

من جديد اسمى واسمك

على الملايه يوم زفافك

وابتدا مشوار حياتى

يوم زفافى لنور حياتى

العراف