love will last for ever

Tuesday, December 16, 2008

ليه يا قلبى




ليه يا قلبى حبينا قلب ماحبناش

بينا ليه احساس و هو محسناش

للدرجه مش قادر تدارى هواه

كفايه حرام تعبنى الشوق معاه

مش قادرتتخلى عنه

ولا قادر تنسى هواه

وان قابلته اوعاك لتضعف

لاياقلبى اثبت معاه

اوعى يا قلبى تحن ليه

اوعاك تصدق كلام عنيه

اه ده كله كلام فى كلام

قلبه عمره ما كان انسان

العراف

39 comments:

مولان said...

كفايه حرام تعبنى الشوق معاه

مش قادرتتخلى عنه

ولا قادر تنسى هواه

وان قابلته اوعاك لتضعف

لاياقلبى اثبت معاه

اوعى يا قلبى تحن ليه

اوعاك تصدق كلام عنيه


**********

هون علي قلبك

كفايه ضغط عليه

نبض الروح said...

فعلا جميلة جدا
ورائعة جدا
أعجبتني كثيرا فسلمت أناملك

ANGHAM ALLAM said...

كلماتك حساسة اوي
يا قمر بس مفيش حاجة تستاهل
اي زعل
اسال مجرب

أسامة وغيداء said...

دائما مبدع
والله يعطيك الصحة والعافية وتكتب لنا كل ماهو جميل وممتع

تائهه في بحر الحب said...

للدرجه متاصر بحب فات
اعرف دائما يا عزيزي ان من لم يشتريك بعه انت بارخص مما باعك وتذكر له لحظات الالم والضعف حتي تقوي بها انت واعرف ان الذي يحب عندما يبيع يبيع كل ما فات ولا يتذكر حتي الزكريات
انسي وتذكر الالم والضعف والقسوه والايام المريره التي عانتها من هذا الحب

كلماتك جميله لكن مريره
تحيــــــــــاتي لك

mnoon said...

أصعب حب

لما تلاقى اللى إنت تحبه

مبيحبكش

طـــائر الليــــل الحـــــزين said...

كل ابياتك بدل على معناة من حب لم يكتمل ولكن ليس بسببك انت ولكن بسبب الطرف الاخر
عموما بالنسبة لموضوع البوست هو مش محتاج كلام من باعك بيعه حتى من غير ثمن
احنا لما بنحب بندى مشاعر من غير حدود يبقى ابسط حقوقنا نلاقى تقدير للمشاعر دى
بجد كلماتك فى منتهى الجمال
ومش قادرة اقولك قد ايه اثرت فيه
من فينا ممرش بتجربة خلته تايه وتعبان ومجروح زى كلمات البوست اللى باينه فيه واللى موجودة ما بين الكلام
بحييييك على كل كلمة حب انت كتبتها وحسيتها

العراف said...

مولان
قلبى اتوجع من كتر احساسه والشوق ماليه بكتب على اساسه ده امضائى مرسى على مرورك واهتمامك

العراف said...

نبض الروح
تسلمى انت على مرورك وعلى اهتمامك وانا سعيد انها عجبتك

العراف said...

ANGHAM ALLAM
صعب الواحد ينسى حب كان مالى كيانه والاصعب انك تشوفه ادامك ومش قادر تكلمه مرسى قوى على مرورك وعلى اهتمامك

العراف said...

اسامه وغيداء
ربنا يخكوا ليا وما يحرمكوا من بعض ابدا مرسى على الزياره الحلوه دى

العراف said...

تائهه فى بحر الحب
اللى ما يبقاش عليا عمرى ما هبقى عليه ده كلامى لكن اللى بنفذه دايما بيبقى عكس اللى فى قلوبنا صعب قوى ننسى حب كان مالى كيانا وفى لحظه كل حاجه انتهت مرسى قوى على كلامك الجميل وعلى زيارتك الاجمل
تحياتى
العراف

العراف said...

mnoon
أصعب حبلما تلاقى اما تلاقى اللى إنت تحبه مبيحبكش ما اجمل هذه الاغنيه وما اجمل اختيارك بجد مرسى قوى على زيارتك واهتمامك

العراف said...

طائر الليل الحزين
انا بجد مش عارف اقولك ايه على كلامك الجميل ده بس كل اللى اقدر اقوله ان الحب احساس جميل انطفى نوره جوانا لغبطنا كل معانيه بس لسه برده موجود بس اشكال والوان وقليل قوى اللى يعرف يعنى ايه كلمه بحب مرسى قوى على مرورك واهتمامك ومنى اليكى باقه زهور من اجمل ما تتخيلى
تحياتى
العراف

hager za3bal said...

يااااااااااه

بجد جيت ع الجرح

كلماتك جميله اوي ياعراف
واحساسك اجمل

بجد اكتر من رائع

اوعى يا قلبى تحن ليه

اوعاك تصدق كلام عنيه

اه ده كله كلام فى كلام

قلبه عمره ما كان انسان


فعلا
بلاش تشتري حد باعك
ابعد
جمد قلبك
ومع الايام الجرح هيبتدي كبير وبعدين يصغر ويصغر ويصغر
اياك تخسر كرامتك

وبجد تسلم ايديك

دمت مبدع


تحياتي

العراف said...

hager za3bal
مرسى على مرورك الجميل وعلى كلامك الاجمل كله الا كرامتى عشانها ابيع اى حاجه فى الدنيا عشان كرامتى للاسف حبى ده فى قلبى بس وحزنى بس
تحياتى يا هاجر
العراف

رندا said...

مااقسى ان نلوم قلبنا ونحكم علية بالصمتــ فيدوى صمتنا الى حفرة تكون مثل صدى الصوتـ
ياتى لنا نحن فقط كى يغلق ابوابه علينا
اهى من تحبهاأنتـ بجنون فيكون مصيبتك العظمى حين تدرك حجم هذا الجنون وتتفنن في إيذائك وكأنها تنتقم منك لأنك أحببتها وتتمادى في إيذائك لتذيقك مرارة حبك وافتقادها وتتمادى في الهجر والصد
مااعجب الحبــ حقاً
حينما نخلص له يهجرنا ويبتعد
ويسلبـ منا فلوبنا فى اول البعاد

اتمنى لك

من تدخل حياتك بلا استئذان وتقدم لك الحب فوق أوراق الورد وتحملك إلى عالم الأحلام

لك منى كل الود

العراف said...

رندا

ما اجمل كلماتك العذبه الرقيقه وما اجمل فهمت لعبارتى الصامته المؤلمه صعب قوى لما نخلص ونحب بجد ومانلاقيش مقابل او حتى تقدير للحب ده بس برده بنبقا عارفين ان ربنا هيعوضنا خير وهيجى اليوم اللى ناخد فيه ما نديش والحب عمتا انتهى من قلبى الى ان الاقى فعلا الانسانه اللى تستاهل حبى والاقيها بتدى بدون مقابل سعتها بس انا هدى ومش هدى بس انا اشيلها فى عنيا مرسى قوى على مرورك الجميل وعلى تفهمك الامى وكلماتى واتمنى من ربنا ان يلهمنى صبرا وتعوضنى خير

كل حبى وتحياتى
العراف

ساره said...

عزيزي العراف
استشعر من كتاباتك انك انسان حساس ومخلص عشان كذا انت لازم تكافئ قلبك بأنك تحبه اكثر وتحرص عليه من الالم

الحب من طرف واحد جدا صعب خصوصا لو كان الشخص اللي تحبه قدام عنيك
انا كتبت بوست عن العشق والهوى في مدونتي ياريت تشرفني بالزياره والتعليق

دمت بخير

العراف said...

ساره
مرحبا بكى فى صفحتى وبين سطورى انا اسف على فهم لمعانى اغنيتى هيا ليست حب من طرف واحد ولكن ده حب انتهى بالفراق بان الحبيب حب واحده بكل حبه وهيا ما حبتوش هو بين لها كل احساسه وهيا لا فسابوا بعض بس هو لسه بيحبها وخايف يقابلها فى وقت قلبه يحن لها يارب يكون وصلك ولو جزء قليل من معنى الاغنيه وانا شاكر لدخولك وقراتك ومرسى قوى على المرور وشرفتينى فى صفحتى المتواضعه اجمل تحياتى
العراف

من هزمتها الايام said...

الحب احساس
لو حسيت ان اللى انت بتحبه
مابيحسكش يبقى اكيد ما بيحبكش
بس لو بتحبه بجد
يبقى لازم تحاول مره تانيه
ارجو زيارة مدونتى
مع التحيه

جوه القلب said...

جميله اوى المدونه بجد رائعه
احساسك جامد جدا
على فكره اجمل شىء فى الدنيا الحب
بس اذا لقينا الشخص اليستاهل
بتمنى انك تلقى حب حقيقى
rock

العراف said...

من هزمتها الايام
اكيد هزورك ده يشرفنى مرسى قوى على الزياره الجميله دى ويارب تكون المدونه عجبتك

العراف said...

جوه القلب
ما اصعب ان نحب فى زمن ضاع منه الحب والحب موجود نعم ولكن فى اشكال والوان وليس فى صورته الصحيحه ولو انه كان فى صورته لما كان احد تخلى بكل سهوله على حبيبه او حبيبته انا لغبطنا معانيه وبنرجع نلوم الزمن على الحب الضائع مرسى قوى على مرورك ونورتى مدونتى المتواضعه ويارب تكون عجبتك وانا الى زيارتك

** القــــلـــب المنـــكـــســر** said...

دمت على خير و سلامه

و يارب يزفقك في الأمتحانات

و تكون ميسره عليا الأمه المصريه كلها

ندا منير said...

ربنا معاك يارب فى امتحاناتك

والقلب دا هو اللى بيودينا فى داهية
تاعبنا معاه قوى
وصعب نعيش من غيره
وصعب اننا نهمله

Selfmeaning said...

مش عارفة ليه كل بوست تحب اقولك فيه مينفعش تحب حد مش بيحبك و تكسر قلبك عشان قلب مبسوط و هو شايفك كده...لازم تراجع نفسك تانى و تصحى قلبك عشان تعرف الحب الحقيقى

العراف said...

القلب المنكسر
شكرا على مرورك الجميل واتمنى تكون المدونه عجبتك واهلا بيك وباهل الغردقه ويارب يوفقك انت كمان

العراف said...

ندا منير
اعمل ايه بس يا ندا القلب ده فعلا اللى مودينا فى داهيه والاكتر من كده ان كل واحد بيتمنى المثل فى الحب اللى يدخله وبيخرج منه مخدوع تماما وده للاسف الشديد مرسى قوى على الزياره والمرور الجميل ويوفقك انت كمان

العراف said...

Selfmeaning
اولا انا مش بوست اكتبه يبقى ده حالتى المزاجيه الحاليه فى الغالب بس عاااااادى يعنى ده كان احساس قديم محيته من قلبى بس فاضى حطام الذكريات ودى اللى عمرها ما هتتنسى ابدا لباقى عمرى وياستى عشان ما تزعليش البوست القادم لو عشنا ان شاء الله هيعجبك لو كان ليا عمر ومرسى قوى على المرور الجميل

أحاسيس طفل said...

العراف ..

سنفتقد تواجدكـ ..

أتمنى لكـ التوفيق أينما حللت ..

/

\

وكالعادة شهادتي بأحرفكـ مجروحة ..

فاعذرني إن خانتني الحروف تعبيرا ..

^_^

دمت بخير

وفقكـ الإله

العراف said...

احساس طفله
ربنا يخليكى والله مش عارف اقولك ايه بس على كلامك بس ياريت يكون اللى فى قلبى فى قلب غيرى واقدر اعبر عنه بصدق وانا عاجز عن الشكر ومرسى قوى على كلامك واهتمامك
تحياتى لكى مع اهداء زهره بنفسج

العراف

Selfmeaning said...

اوعى تكون زعلت من كلامى بس بزعل اوى لو فى قلب لسه بيحب القلب اللى جرحه و ان شاء الله مستنية البوست الجاى

العراف said...

selfmeaning
انا عمرى ما ازعل منك يا جميل اهم حاجه اوعى انت تزعلى وكل سنه وانت طيب انا ليا الشرف انك تنتظرى البوست القادم لو كان ليا عمر مرسى قوى على اهتمامك
تحياتى
احمد الريس

hager za3bal said...

ركز كدا وربنا معاك في امتحاناتك ياااااااااااااااارب

انا جيت اقولك كووووووووووول سنه وانت بخير وطيب ويااااااااااااارب 2009 تبقي اجمل بكتيييييييييييييييييير من 2008 الوحشه وتحقق كووووووووووووووووول اللي بتتمناه :D :D

العراف said...

hager za3bal
وانت طيب يا جميل وتكون عليكى اجمل واسعد ان شاء الله

Rosa said...

ربنا معاك
و ان شاء الله تخلص على خير و ترجع بالسلامه

العراف said...

rosa
ربنا يخليك يا جميل وان شاء الله اخلص وارجعلكوا بسرعه لانكوا وحشتونى جدااااااااااا
تحياتى العراف

جوجو said...

السلام عليكم
احساس صعب بس اختيارك للكلمات حلو جدا
كل سنة وانت طيب
عيد سعيييييد
تحياتى