love will last for ever

Monday, March 10, 2008

لسه بغنى




مش قادر اسكت على الى بيا الحزن لو مش فى عنيا


اكيد تلاقيه جوه منى عمال يقطع فيا


على الارض مش بتحرك وقلبى تلاقيه متغرب


بين الغروب والشمس فين راحت ومش هستغرب


ارجع اروح فى طريقى امشى انا ونصيبى


والحزن مالى سنينى وانا برضه لسه بغنى


عمال اموت واتقطع من كتر شوقى لمطلع


بس السحاب هيعدى يمكن يشلنى اعدى


كل الجبال واتحرر من قيدى وامش لوحدى


وانا برضه لسه بغنى مع ان حلمى قاتلنى


ما قدرتش امشى لوحدى والخوف ورايا بيجرى


اجرى واتوه نفسى بس النهايه بدايتى


القى نصيبى وبختى فى الكون ده ما فى زيي


وقمرى هو حاسدنى على حبه ليا ساعدنى


على همى شال من عينى وادانى سحر مالينى


نور حياتى وقلبى من قلبى ليك يا حبيبى


العراف

16 comments:

walaa said...

وليه كل الهموم دى وليه كل الياس ده اكيييد لسه فى امل
تحياتى ولاء

العراف said...

شكرا ولاء على زيارتك الجميله دى بس لما يكون فى حب ملوش حدود لازم يصاحبه حزن ايضا ملوش نهايه شكرا ولاء

Desert cat said...

عزيزى العراف ابتسم فغدا ستشرق الشمس
تحياتى

shirry said...

ايه يا عم الحزن دا كلو
خليك متفائل وشوف الدنيا بنظارة بمبي
وخلي عندك امل ان بكرة احلي كتير
ماشي؟
وابقي تعالي تاني

العراف said...

شككرا على الابتسامه الجميله المطله من قطتتنا العزيزه انا فعلا مبتسم شكرا على المرور

العراف said...

شيرى ازيك ده مش حزين ده اكتاب بعيد عنك بس ده كله راح لان القصيده دى من فتره كبيره شكرا يا جميل على المرور

mnoon said...

كويس إن فتره الإكتئاب عدت
الدنيا بيقولوا عليها حلوه
فحاول تبصلها ديما
وانت شايفها كده
حلوه

العراف said...

شكرا على الزياره الحلوه ديه يا منون انا دايما مبتسم للحياه وبحب الحياه بس اوقات الحياه هيا اللى ما بتحبش تبتسم لنا

Esraa Hamed said...

حلوة اويييي الكلمات دي

العراف said...

ربنا يخليكى يا اسراء وهلا بيكى واتمنى تكون عجبتك المدونه

دعاء مواجهات said...

كلامك بيدل إنك أديب أوشاعر بجد
مش من اللى بهزار

وإحساسك عالى اوى

تقبل مرورى

العراف said...

شكرا للمرور الجميل ده دعاء واتمنى تكون عجبتك المدونه واهلا بيكى كضيفه جميله فى مدونتى

voice of love said...

ده انت شاعر جامد بقى

تسلم ايديك ودماغك

العراف said...

ربنا يخليكى ده بس من زوقك بس مش جاااااااااامد قوى انا لسه بقول يا هادى

Rosa said...

ايه ده آخر بوست من مارس؟؟ !! لعل المانع خير

العراف said...

انا اسف جدا روسه بس معلش تتعوض انا على باب الامتحانات علشان كده بذاكر وشايل الكمبيوتر وانا ما بحبش انزل موضوع الا من على الجهاز بتاعى واستنونى لانى عملكم مفاجات كتييييييير وان شاااااااااء الله تعجبكم انا هخلص امتحانات فى اول 7 شكرا روسه على الاهتمام ودمتى لنا