love will last for ever

Tuesday, January 12, 2010

احساس غريب


احساس غريب خارج منى


قلبى وعقلى ملكه لكنى


كل ما عينى بتيجى فى عينه


بشوفها عيون قلب جرحنى


مش عارف اللى بيحصلى


معقوله انا لسه ما نستشى


واهو يمكن وقت وهيعدى


يارب بسرعه ومايطلشى


خايف ليكون ده خيانه


وقلبى بيرجع بزمانه


لقلب زمان كان بيحبه


لكن انا مش هسمحله


العراف

13 comments:

ماء تشرين said...

اشعر بحنين غريب لكتباتك
رغم صوت الحزن فيها هذه المره

لكن بجد ابدعت فكرتنى اوى بااغنيه حماقى قدمى عيونه محتاره يقرب ولا يداره جيه اليوم الاشوفه انا فيه ومنكلمش يخساره

العراف said...

ماء تشرين
انتى تعرفى ان الحب والرمانسيه دايما مرتبط بالخوف والخوف مرتبط بالحزن يبقى الحب والرمانسيه مرتبط بالحزن شكرا على مرورك الجميل يارب اكون دايما تحت حسن ظنكم

rony said...
This comment has been removed by the author.
rony said...

جميله بجد
تحفه
لكن اللى بيحب عمره ما يكره
ولا يوم ينسى
ممكن يبعد لانه اتجرح منه فى يوم من الايام
لكن مهما لف بيه الزمان بيحن لحبه القديم تانى
لكن عمره ما هيرجع لحبه ده ابدامهما حن له
لكن ربنا قادر يصلح اللى اتكسر

تحياتى لاعذب الكلمات

العراف said...

rony
اكيد يا رونى اللى حب بجد عمره ما ينسى ابدا مهما طال بيه الزمن لكن فى اوقات بتعدى على الواحد بنبقى مشتاقين نعيش كل لحظه مع حبيبنا الاول لكن الظروف مغلقه بتتصادمى فى الواقع وهو انه فى انسانه تانيه بتحب وانتى ما تقدريش تعملى حاجه غير انك تحبيها قدر ما بتحبك شكرا يا جميل على المرور

لاسع افندى said...

ما الحب الا للحبيب الاول

تحياتى

العراف said...

لاسع افندى
هههههههههههه شكرا واهلا بيك فى مدونتى المتواضعه

همس الاحساس said...

بجد كلماتك حلوة اوى


واسلوبك مميز ورائع

تسلم يمناك

آموزشی said...

http://ramuzi.com/persian/index.php?option=com_content&view=article&id=616:1389-02-02-10-48-31&catid=136:1389-01-31-18-00-28&Itemid=23

آموزشی said...

http://ramuzi.com/arabic/index.php
PostHeaderIcon الغارة على بيت الوحي
http://ramuzi.com

ђager ZaǮbal said...

ليه الحزن ده؟؟

مستنيه بوست جديد من غير النكهه الحزينه دي

تحياتي

العراف said...

همس الاحساس
تسلمى على مرورك الجميل

العراف said...

هاجر
انا عارف انا رادد متاخر قوى بس اعزرونى ياجماعه والله مابشوف الكلام ده ومرسى جدا على مرورك الجميل ده