Powered By Blogger

love will last for ever

Wednesday, October 14, 2009

اسمعها منى


اسمعها منى وحسها

ياما فى قلبى شلتها

قلبى تعب من حملها

مش قادر اصبربقا


بحبك قوى


كل ما فيا اتهزلك

روحى وكيانى ملك لك

كل ما ببعد احنلك

وشوقى يزيد


طيفك ندانى روحتلك

قلبى ماصدق بصلك

والله عمرى ما ازعلك

مهما اللى كان


غيرت حياتى كلها

خلتنى تانى احبها

كنت افتكرت ان انتهت

كل المشاعر وقتها


العراف

26 comments:

اسماء واحلام فى وجدانى said...

حمدلله على سلامتك ياابوحميد

راجعلك اكيد

اسماء واحلام فى وجدانى said...

البساطة اللى فى كلامك اجمل ما فيه هو الحب كده لازم يغير كل حاجة فى حياة الانسان

الانسان نفسه بيتغير من جوة وبرة

king_somya said...

ما أجمل كلماتك ومشاعرك الفياضة
واحاسيسك المرهفة
دائما تغيب وتأتى لنا بأبداع جديد
أدام الله لنا أبداعاتك واحاسيسك الجياشة

king_somya said...

ما أجمل كلماتك ومشاعرك الفياضة
واحاسيسك المرهفة
دائما تغيب وتأتى لنا بأبداع جديد
أدام الله لنا أبداعاتك واحاسيسك الجياشة

العراف said...

اسماء واحلام فى وجدانى
الله يسلمك يا جميل الحب دايما بيخلى الانسان انسان تانى ومن غيره الناس هتوه عن بعض ربنا يخليك على كلامك الجميل ده ويارب يكون رايكوا فيا كده على طول ويارب اقدم الاحسن دايما

العراف said...

king_somya
شكرا ربنا يخليكى يا جميل ويارب يدوم على زيارتك الجميله دى ويارب اقدم لكم الاحسن دايما وبجد نورتى صفحتى

yoyo said...

مسائك سكر يا سكر

ياااااااااه اخيرا
حمد لله على السلامة يا ابو حميد
نورت البلوجر كله والله

هاروح اشوف واسمع كلامك
هارجع تانى

yoyo said...

سلامتك حبيبى وسلامة قلبك
انا حسها اوى منك
بس كنت عاوزة اسمعها كمان
ايوه بحبك من زمان
واتمنيتك ليا حبيبى
عشت وأملى اكون بس ليك
اعيش معاك وانا بين ايدك
اعيش فى جنة فيها الحب طريقنا
والعشق هو حارسنا

yoyo said...

لسه حبيبى العمر قصادنا
تعالى يالا مش نضيع عمرنا
تعال نبدأ عمر كله حب
حب معاك عمره ما ينتهى
حب يبدأ ابدا ما ينتهى

yoyo said...

تسلم ويسلم احساسك الرقيق
دائما كلامك بسيط ورقيق و يوصل القلب من اقصر طريق

ربنا يسعدك و يسعد قلبك يارب
دمت اخى بالف خير وسعادة
فى انتظار جديدك
مش تغيب عنا تانى
تحياتى
يويو

العراف said...

yoyo
انتى اللى سكر والله ربنا يخليكى يا جميل والله يسلمك بس الكلام الجامد ده بس ربنا يخليكى يارب كل ده كتيييير عليا والله والبلوج منور بزواره ويارب اكون دايما متقدم فى اعمالى واكون سلس فى احساسى وكلماتى وبجد نورتى المدونه يا جميل وبجد خلاص مش عارف اقولك ايه لانى لانى خلصت كل الكلام بجد شكرا ليكى قوى ويارب زيد التواصل

ريمان said...

رومانسيه اوى

اوى

اوى


واحلى ما فيها الوعود والحب والرقه



تحياتى


انا برضه بقالى زمان مزورتش مدونتك بس معلش سامحنى


ان شاء الله هبنقى على تواصل دائم


تحياتى ليك

mimi said...

تصفيق حاااااااااار

برافووووووو

ايه الجمال ده
الكلمات و القافية والوزن حاجة

والمعني حاجة تانية خاااااااااالص

رائعة بجد عجبني اوي الشعر ده

ما شاء الله ، تسلم أفكارك اتمنالك التفوق دايما

mimi said...

وبما إني كنت التعليق رقم 13 ... رقم الخير كله

ليا طلب ممكن؟
انا عاوزة لينك الأغنية اللي الفيديو بتاعها يحيي ولميس من سنوات الضياع .. ممكن؟

شكراااااااا مقدماااااااا

العراف said...

ريمان
نورتى المدونه ياريمان بكلامك الجميل ربنا يخليكى يا جميل مش عارف اقولك ايه انا عارف والله ان الدنيا مشاغل واهو ادينا على قد ما بنقدر المهم نورتى يا جميل ويارب على طول فى تواصل

العراف said...

mimi
ربنا يخليكى يا جميل ده بس من زوقك تسلمى على قمر على الزياره الجميله دى واللينك هبعتهولك والعفو انا ماعملتش حاجه انتى تامرى نورتى يا جميل

الشجرة الأم said...

مشاعر الحب .. من الأسرار التي لا يمكن البوح بها إلا للحبيب الذي يقدرها فعلا

خاطرة عفوية وجميلة

طـائر الليــل الحـزين said...

مرحب بالعراف
فى دنيا من وحى الخيال
دنيا نرى فيها ما يراه الحبيب
ونشعر بما فقط يشعر به
حتى الالم يكون المه هوة

العراف said...

الشجره ةالام
اهلا بيكى فى اول زياره ليكى فعلا مشاعر الحب من اجمل الاسرار اللتى لا يمكن البوح بها الا للحبيب واكيد هيقدرها منك لانه حبيب شكرا جدا على الكلام الجميل ده ويارب ديم التواصل نورتى يا جميل

العراف said...

طائر الليل الحزين
اهلا بيكى يا جميل نورتينى بكلامك الجميل ونورتى الصفحه ربنا يخليكى ويارب ديم التواصل

Anonymous said...

اللهم ارفع مقتك وغضيك عنا

العراف said...

امين يارب العالمين

Anonymous said...

بسيطه .. جميله .. احساسها واصل ، ودي اهم حاجه :)

تسلم ايديك .. ومتغيبش تاني

تحياتي

العراف said...

Hager Za3bal
حاضر يا جميل انا اسف مش هغيب تانى دارى عليا انتى هتفضحينى منوره الدنيا كلها بكلامك الجميل

Anonymous said...

الله عليك يا احمد بجد حلوه قوى تسلم ايدك
دايما فى تميز كده على طول ان شاء الله
انا ليالى على فكره ابقى طمنى عليك

العراف said...

ليالى
انتى فين يا بنتى بقالك كتير انتى اللى تبقى تطمنينى عليكى وبجد فرحان جدا انك زرتينى وهبقى فرحان اكتر لما اطمن عليكى