Powered By Blogger

love will last for ever

Sunday, October 4, 2009

من المستحيل




من المستحيل انى ابقى ليكى

واكبر دليل حبى ليكى

لانى خيال لفارس فى حلمك

مجرد سراب معكوسلك حقيقى


قلبى اللى كان عايش لوحده

فجاه جاله قلب يشاركه

كل حاجه مابقتش ملكه

يعمل ايه


خايف اصدق اللى احنا فيه

الاقى نفسى حلمت بيه

وتكون نهايه غيرالنهايه

بين اتنين حبيبن عاشقين


صعب ارتباطنا ده قدر

انى ملاك وانتى بشر

لامكانى ولا زمانى

ممكن يكونوا مستقر


العراف

22 comments:

العراف said...

وحشتووووووووووووووووونى جدا يا احلى اصحاب فى الدنيا معلش سمحونى على غيابى الطويل ده ويارب البوست يعجبكوا يارب

اسماء واحلام فى وجدانى said...

الف حمدلله على سلامتك

بس ايه الغيبة دى كلها يا راجل








الخوف ده من كتر حبك ليها

العراف said...

اسماء واحلام فى وجدانى
معلش بقى سامحنى كان النت مفصول من عندى فتره وكمان كان الشغل واخدنى ومش عارف اقعد على النت خالص بس الحمد لله انا معاكوا اهو ويارب اعوض حاجه بس انت ما قولتليش اى رايك فى الشغل ده

shams el7aya said...

كلمات جميلة تسلم ايدك

ادم المصرى said...

حمدله على السلامه يفنان

ربنا يطمنا عليك ديما

وكلامك جميل اوى كل عاده يعنى

العراف said...

shams el7aya
ده اول زياره ليكى يا شمس يارب تكون المدونه عجبتك ورسى على كلامك الجميل ويارب تنورينا على طول

العراف said...

ادم المصرى
ازيك يا جميل وحشنى والله لله يسلمك مرسى يا جميل على زوقك

ساره said...

الحمدلله على السلامه
حبيتها كثير
رقيقه كعاده كلماتك

العراف said...

ساره
الرقه فيكى انتى يا ساره مرسى على مرورك الجميل وحشتووووووووونى جدا

طـائر الليــل الحـزين said...

حمدلله على السلامة ومش مهم الغياب
كلنا بنغيب ونرجع
كلامك جميل قوى زى العادة
رغم ان المرة دى حسة فيه سبب البعد عننا

العراف said...

طائر الليل الجزين
لا اوعى تربطى ده بده لان ما انفصلتش خالص ويارب ما يجيب الكلام ده ابدا على فكره ده فكره مجرد فكره عجبتنى مش اكتر ومرسى يا جميل على الزياره الجميله دى وعلى الكلام الرقيق ده وبجد انتوا وحشتونى اكتر

king_somya said...

بجد وحشتنا
حمد الله على سلامتك

العراف said...

king_somya
الله يسلمك يا جميل والله انتوا اللى وحشتونى اكتر نورتى الصفحه يا جميل

اسماء واحلام فى وجدانى said...

عروستى

العراف said...

ههههههههههههه

همس الاحساس said...

كلامك بيدعلى الخوف
اقولك شىء جازف حاول جرب وثور مرة هتفع ومرة هتفشل
بسى صدقنى بتتعلم بدل الحيرة والخوف
بتمنى ربنا يوفقك وتلاقى بجد حد يفهمك ويسعدك
شكرا على زيارتك مدونتى

همس الاحساس said...

كلامك بيدعلى الخوف
اقولك شىء جازف حاول جرب وثور مرة هتفع ومرة هتفشل
بسى صدقنى بتتعلم بدل الحيرة والخوف
بتمنى ربنا يوفقك وتلاقى بجد حد يفهمك ويسعدك
شكرا على زيارتك مدونتى

العراف said...

همس الاحباب
نورتى المدونه يا جميل ممكن توضحى اكتر انتى بتقولى جرب ومره هتنفع ومره هتفشل انتى قصدك ايه بالظبط

ماء تشرين said...

طبعا احنا مش هنسمحك خالص خالص لانك بجد حرمتنا من الكلام الجميل ده
وبجد لسه كل ما بخل هنا بحس احساس مختلف عن اى مدونه يمكن لانك بتملك قلب صادق بجد والله مش مجمله


بس عايزه اقولك انو المستحيل الحقيقى انو نبقه مليكه او نطلب من الاخرين ده

منور التدوين كله بجد

ماء تشرين

هــو..مش ..نـو said...

أهـوهـو ...تاني ؟
دماغـي وجـعاني ...

العراف said...

ماء تشرين
ربنا يخليكى يا قمر ده بس من زوقك والله ربنا يخليكوا لبا يارب ومايحرمنى منكوا وبجد نورتى المدونه ويارب دايما اقدم لكم حاجات تعجبكوا

العراف said...

هو مش نو
اهلا بيك تهوهو تانى دماغك وجعاك يارب تكون استريحت عندى