Powered By Blogger

love will last for ever

Monday, July 6, 2009

علشان سعاتك


انا عايش فى الحياه

علشان سعاتك

قلبى وروحى كل حاجه

ينادو اسمك

لو يجى يوم اكون

فيه سبب فى حزنك

ياريتنى اموت قبل ما

افكر فى زعلك

اجمل كلام سمعته منك

كان بحبك

وكل حاجه جوا منى

تجيب فى سيرتك

احلى الكلام ماقدرش

يوصف نص حبك

انا من النهرده خلاص

بدوب من نظره منك

العراف


25 comments:

اسماء واحلام فى وجدانى said...

اول تعليق لشريكتى فى التعليقات

اسماء واحلام فى وجدانى said...

وتانى تعليق

علشانى انا بالمرة اعوض

البوست اللى فات

ولو عندك مانع ممكن تشتكى

اسماء واحلام فى وجدانى said...

تالت تعليق

ده شركة بين وبين شريكتى فى التعليقات

ما احنا عصابة

اسماء واحلام فى وجدانى said...

التعليق ده بقى علشان ابلغ سيتك

انى رايح اقرا كلامك اللى واثق

انه جميل

اسماء واحلام فى وجدانى said...

يا عم بعد الشر عليك من كل حاجة وحشة هو انت اما تحب او تموت ليه

وبعدين حبيبتك دى لو وصلها كم الحب ده اكيد هى اللى قبل ما تفكر تزعلك هتنتحر وده كلام اكيد

ماء تشرين said...

ابقنى على طول كده ياابو حميد لو مكناش شركه بس
ربنا يخليك يارب كمان مدينى اول تعليق والله مش عارفه اعمل معاك ايه ربنا يخليك
ويعمر بيتك
ويكتر من امثالك
معكش جنيه فكه
او مجمد
او شيك

عيب كده خلاص بقه

ايوو كده بقه المفروض تعلق خرزه بنبي لا زرقا ايه خلاص الموضه دى خلصت من زمان

لا بجد ماشاء الله عارف هو كده الحب لما يملى القلب
ربنا يباركلك يارب

ماء تشرين

العراف said...

اسماء واحلام فى وجدانى
يا عم حراااااااااااااااااااااام عليك اللى انت بتعمله فيا ده ايه كميه التعليقات دى هههههه انت جايب العيله معاااك هو انت فى سينما ولا ايه وكمان بتحجز لناس احنا مش فى اتوبيس يا بشوات يااما الواحد يحب ياما يموت لان من غير الحب فانت انسان ميت

العراف said...

ماء تشرين
انتى جايه تشحتى عندى ولا ايه هههههههههه ايه العصابه اللى انتى عمالها مع احمد دى هاااااا انا هبلغ عنكوا على فكره وبجد نورتى يا جميل بتعليقك وربنا يخليكى والخرزه دى المفروض تتعلق عليها هيا لانها اغلى منى بكتيييييييير

اسماء واحلام فى وجدانى said...

على فكرة يا احمد اوعى تكون بتزعل مننا احنا والله بنحبك ولو انت مش غالى علينا احنا مش هنحتلك اصلا
بس الاحتلال ده من العشم بس
وكمان عارفين ان قلبك كبير اوى

************
الانسان اللى فى قلبه الحب ده كله اكيد غالى وكمان جميل انت شايف انها اغلى منك ولكن انا شايفك اجمل واجمل لانك محافظ على وجودها حتى فى غيابها
اقصد طبعا غيابها هنا

yoyo said...

صباحك سكر يا احمد
مش عارفة انا ايه الناس اللى بتحتل المدونات دى
ياساتر يارب

yoyo said...

وكمان بتحجز
ناقص تقولى ولخالتو وعمتو و تيتة بالشرقية
وابن العم و بنت الخال بالدقهلية
ههههههههههه
عصابة بقى

yoyo said...

بصراحة الكلمات حلوة اوى زى عادتك
واجمل مافيها انها من القلب خارجة وللقلب تانى داخلة

اوعى حبيبى تقولها تانى
انك فى يوم ممكن تموت
دا انت حبيبى فى قلبى عايش
وجوا روحى سكر دايب
انا من غيرك اموت
وبين احضانك بس اكون
يبقى العمر لك و بيك يكون
دا انت و بس اللى ملكت الروح
انت وبس اللى سكنت القلب
انت و بس حبيبى
انت نصيبى وكل الكون

تسلم ويسلم احساسك الرقيق
ربنا يسعدك و يسعد قلبك يارب
تحياتى
يويو

جحا المصرى said...

روعة بجد
دايما إحساسك راقى
ربنا يسعدك

العراف said...

اسماء واحلام فى وجدانى
ازعل من مين يا بنى انت استحاله طبعا انا بهزر معاكوا انا بحبكوا جدا والله وبجد باكدلك فى نظرى هيا احلى واغلى انسانه فى الكون كله كمان

العراف said...

yoyo
ربنا يخليكى يا جميل على كل الكلام الجميل اللى انتى قولتيه ده ويارب افضل سهل ممتنع على طول واسعدكوا بهذا الحب الذى اريد ان اشرك فيه الكل

العراف said...

جحا المصرى
ربنا يكرمك يارب يا جميل وبجد بتنور بتعليقك

engy said...

بجد ماشاء الله عليك وعلى كلماتك ومدونتك رائعه بجد

آفشنا حرامي said...

اخونا العزيز احمد

احنا مش مجرد كلام
مهمتنا انت هتكون طرف فيها
هيكون ليك واجب لازم تقوم به
وهو انك تفضل معانا بعقلك وفكرك واكيد اكيد هتفيدنا
هدفنا هيتحقق باذن الله
بوجودكم كلكم

العراف said...

افشنا حرامى
انا قلت وهقول تانى انا معاكوا فى اى حاجه فيها مصلحه للناس كلها وبجد اى حاجه تطلبوها منى انا فى الخدمه وربنا يوفقنا جميعا نورت المدونه

العراف said...

engy
مرسى يا جميل على كلامك الجميل ده وعلى زيارتك الاجمل نورتى المدونه ويارب فعلا تكون عجبتك ويارب اكون تحت حسن ظن الجميع

layaly said...

الله علك بجد كلامك فى منتهى الجمال
تسلم ايدك بجد وربنا يوفقك
انا كمان بكتب وعامله كذا حاجه باسمى
بس لسه مش عارفه ازاى اوصلهم على مدونه جديده ونفسى تشوفهم وتقولى رأيك

layaly said...

الله علك بجد كلامك فى منتهى الجمال
تسلم ايدك بجد وربنا يوفقك
انا كمان بكتب وعامله كذا حاجه باسمى
بس لسه مش عارفه ازاى اوصلهم على مدونه جديده ونفسى تشوفهم وتقولى رأيك

" red rose " said...

اجمل كلام سمعته منك
كان بحبك
وكل حاجه جوا منى
تجيب فى سيرتك
احلى الكلام ماقدرش
يوصف نص حبك
انا من النهرده خلاص
بدوب من نظره منك


بجــــد كلامك جميل جدااا
بتمنالك التوفيق من قلبى مع اللى بتحبها


تقبل مرورى

mimi said...

أنت فين؟؟؟؟؟؟؟؟

mimi said...

أنا قلت أخد لفة أشوف العبقرية واصلة لحد فين

عرفت وأتأكدت إنك عبقري عبقري

ما شاء الله
كل اشعارك عجبتني