Powered By Blogger

love will last for ever

Wednesday, June 24, 2009

حروف اسمك


حروف اسمك بتوصفنى

وترسم قلبى جواكى

وكل ما فيا يندهنى

اكمل دنيتى معاكى

لو اخر يوم هعيشه

اتمنى اعيشه معاكى

واضمك جوه حضنى

وادوب انا فى هواكى

كلامك ليا خلانى

اشوف الدنيا لون تانى

اشوفها بلون جميل خلى

نسيم الورد بيعانى

العراف

20 comments:

اسماء واحلام فى وجدانى said...

اول


تعليق


كالعادة

ربنا يديمها عليا


بس التعليق ده شركة بينا وبين شريكتى

فى التعليقات ماء تشرين

اسماء واحلام فى وجدانى said...

ماء تشرين

انتى فين دلوقتى على العموم مكانك فى

الحفظ والصون وياريت يا عم العراف ما

تزعل من الاحتلال ده

اسماء واحلام فى وجدانى said...

يويو

المحتلة الازلية

هى كمان مختفية ويظهر ان مافيش حد هنا

غيرى العب بقى براحتى شوية

طبعا ده بعد اذنك يا سيدى

انت غايب من فترة والواحد مشتقالك اوى

اسماء واحلام فى وجدانى said...

نسيم الورد بيعانى

لامة النسيم نفسه اللى احنا بنتمناه بيعانى من الحب ده يبقى الحب ده شكله ايه انت بتجيب المعانى دى منين من قلبك ولا من قلبها من حبك ولا من حبها
حقيقى الحب لامة بيوصل لمرحلة معينة بيخلينا نقول كلام ونحس بحاجات جميلة وصعب غيرنا يحسها او يقدر بقلبه او بخياله او حتى بعقله انه يوصلها

ماء تشرين said...

ايه يااحمد ده ايوه كده يابنى الله ينور عليك

وبالنسبه للقصيده ياعراف طبعا ملاينه حب زاى معودتنا دايما
حب من البتدينا نحس انو مش موجود
عموما تسلم ايدك

تقبل مرورى
والاحتلال بتاعنا

ديالا said...

ماشاء الله عليك

بجد حلوه اوي ورقيقه اوي

واسلوبك كما ماشاءالله عليه

yoyo said...

مسائك سكر

انا من غيرك ايه اكون
دا انت الدنيا و كل الكون
حتى الورد منك غار
ايوه اكيد ما انت حبيبى و كل ننصيبى
يالا حبيبى نبدا عمر ابدا يوم ما يكون فيه حزن
هو الحب حياتنا ونجوم الليل تحرسنا

كلمات حلوة اوى واحساسك جميل من قلب عاشق

دمت بالف خير وصحة
تحياتى
يويو

yoyo said...

احمد
المحتلة الازلية رجعت تانى
و بقوة شديدة بقى
هههههههه
بلاش احتلال بقى
ايه الناس دى ياربى
تحياتى
يويو

العراف said...

اسماء واحلام فى وجدانى
حبيبى وحشتنى ووحشنى مرازيتك فيا وكالعاده محتل الصفحه مش عارف اعمل ايه فيك بس وكمان بتتكلم باسماء الناس ده انت نهااااااااااارك بنبى شفت يا سيدى نسيم الورد بيعانى منك انت يعمل ايه فيك بس هاااااااااا

العراف said...

ماء تشرين
يااااااااه غيابك طال وحشتونى كتييييييير نورتى يا جميل بتعليقك اعمل ايه فيكوا بس انتوا احتلتونى خلاص اعمل انا ايه بحبكم اعمل ايه

العراف said...

ديالا
بجد اول زياره ليكى نورتى مدونتى المتواضعه ويارب يكون احساسى واصل لكل للناس وبجد مرسى قوى على كلامك الجميل ويارب اكون تحت حسن ظن الجميع

العراف said...

yoyo
مساءك ورد يا جميل
انتى كده كل مره تقوليلى كلام زى السكر زيك يالظبط يا عم احنا مش قد الكلام الجامد ده قلبنا ضعيف ما يستحملش مرسى يا جميل على مرورك وكلماتك الرقيقه يا اميره الرقه

The illusionist said...

يا مساء الثكر

كلامك بجد انا افتكرت انى سمعته قبل كده
بجد فى اغنيه مشهوره حاجه كده
كلام حسسنى ان مؤلف كبير قوى قوى اللى كاتبه
لكن مع فحصى للمدونه
والتجول واللعب فى الاركان
اكتشفت انك مبدع
الكلام حلو قوى بجد
انت بسم الله ما شاء الله
استاذ
واسلوبك رائع وجميل قوى قوى
ان شاء الله هاجى تانى
عشان اللى يدوق العسل
لازم ييجى يدوق تانى
سلام

العراف said...

THE illusionist
اهلا بيك فى مدونتك يا جميل وبجد انت قولت كلام كتير قوى انا مش عارف ارد عليه واقول ايه بجد ربنا يخليك وبجد الكلام ده كله كتير عليا جدا يارب اكون فعلا قد حرف من اللى انت قولته ومرسى يا جميل على الزياره الجميله ده ويارب تنورنى على طول

Kiara said...

كلامك ليا خلانى

اشوف الدنيا لون تانى

اشوفها بلون جميل خلى

نسيم الورد بيعانى


*********

احساس عالي بيفوح بين حروفك

ندا منير said...

رائع كلمات رائعة

العراف said...

كيارا
مرسى يا جميل زياره جميله

العراف said...

ندا منير
مرسى يا جميل ربنا يخليكى

جــــوه القـــلـب said...

احساسك عالى وكلماتك جميله
بجد انت من المدونات البلقى نفسى فيها بوست جميل...
rock....

العراف said...

جوه القلب
ربنا يخليكى ده شىء يسعدنى جدا واعتبرى نفسك صاحبه المدونه ياستى وتنورى فى اى وقت ومرسى على كلامك الجميل ده