love will last for ever

Wednesday, March 18, 2009

انا موجوده


انت مش موجود انا موجوده

جوه قصر هناك محبوسه

مستنياك تجينى تخرجنى

من سجنى واه م اللى انا فيه

شوفتك زمان قدامى خيال

واتمنيتك تبقى حقيقه

ليالى طوال شاغلى البال

نفسى اشوفك لو دقيقه

عدت سنين مستنياك

سنه ورا سنه بتفوت

بحلف بالله انى بهواك

ولا هيفرقنا موت


العراف


23 comments:

ساره said...

ياااااااااااااااهوووووووو

اول تعليق
مش عارفة ليه بنفرح لما نكون اول تعليق :)

الله على جميلتك المحبوسة فى القصر
ذكرتني بحكاية الجميلة النائمة
حلوه كثير :)

ماء تشرين said...

اه وانا كمان ياساره كنت هفرح لو اول تعليق بس فرحانه برضو انى تانى تعليق
مفيش مشكله

جميل اوى بس الانتظار ممل يترى الحبيبه دى لو في زمانا هتقدر تستناك ياامير الاحلام ولا هتضر تقبل باأى امير يجبلها بيت وعربيه


تحياتى

العراف said...

ساااااااااره
انتى اجمل يا جميل مرسى قوى على الزياره الجميله دى وكما اول تعليق ايوه يا عم ابسط يااااااااااااهوووووو كمان ولا امسن هههههههه تسلمى يا عسل

العراف said...

ماء تشرين
اعتربى نفسك اول تعليق يا ستى ولا يهمك كلكم اول تعليق بالنسبه لى انا بشوف كل الردود وبرد عليها والله بصى يا جميل اى حاجه ممكن تشترى وتباع حتى الانسان بس لو اشتريت الانسان حاجه واحده عمرها ماتتباع هيا القلب ومافيه القلب مابيحبش الا الحب فقط لايوجد قلب يحب الفلوس ولذلك كل علاقات الفلوس فاشله وبتنتهى بالخيانه لان القلب لايمكن مايحبش لانه موجود لذلك

طـــائر الليــــل الحـــــزين said...

زى العادة كلمات بتعبر عن حب كبير واحساس عالى لازم وانا بقراه احس بقلبى بيدق
تحيااااااااااتى ايها العاشق

العراف said...

طائر الليل الحزين
ربنا يخليكى ده شرف ليا انى اخليكم تحسوا شعورى وياثر فيكوا كمان بجد ربنا يخليكوا ليا ومرسى على الزياره الجميله

اسماء واحلام فى وجدانى said...

يا عم ادينا العنوان

وابعتلك فريق قططى الهومام

يجبهالك لحد عندك

العراف said...

اسماء واحلام فى وجدانى
ههههههههههه تسلمى ياجميل هيا هتيجى لوحدها وكمان انا كاتب الاغنيه دى عن واحده هيا اللى مستنيه مش واحد على العموم نورتى المدونه يا عسل

طعمية سخنة said...

جميل جدا الشعر ده
تقبل مروري

جارة القمر said...

انت لسة موجود هنا ومروحتش تنقذ حبيبتك
كلامك كله حب

ليالى طوال شاغلى البال

نفسى اشوفك لو دقيقه

ربنا يرجع الغايب وتتلاقي انت وحبيبتك من تاني
تحياتي لك

العراف said...

طعميه سخنه
ربنا يخليك يا جميل على زيارتك الجميله دى

العراف said...

جاره القمر
ربنا يخليكى والله ده بس من زوقك انتى اجمل طبعا ومرسى على الزياره الجميله دى

ادم المصرى said...

بجد جميله جدا
وبجد انتا لو بى نفس احساسك اكيد

الى هيستناك هيكون خير له ان ينتظر مليون سنه وسوف ينتظر لئن احساسك يتعشقه من يعشق

العراف said...

ادم المصرى
حبيب قلبى يا غالى ازيك يا جميل وحشنى والله نورت المدونه يا باشا كلامك زى العسل زيك بالظبط

Selfmeaning said...

اكيد هتستنى
و اكيد هتستحمل الوحدة
طالما فى حب حقيقى
لسه بيفكر فيها

saragebaly said...

جميلة اوي الكلمات

يارب يكتب لهم لقاء

ولا يفرق بينهم موت ولا ينهي قصتهم فراق

تحياااتي

العراف said...

Selfmeaning
اكيد يا جميل مرسى على مرورك الجميل وعلى طلتك الاجمل وكلامك

العراف said...

saragebaly
يارب يارب يارب ومرسى قوى على مرورك الجميل وكلماتك الاجمل

mahasen saber said...

الكلمات جميله ولخبطتتنى فى الاول قلت يا ربى مش صاحب المدونه عراف مش عرافه طب ايه موجوده دى التأنيث بيعمل ايه هنا
بس عرفت واتبسطت قوى جميل قوى لما الاصدقاء بيفتكروا بعض بالكلام الحلو ده

العراف said...

mahasen saber
بشكرك يا جميل على مرورك الجميل وعلى كلامتك الاجمل الاصدقاء هما اللى بيفضلوا لكن اى شىء تانى ممكن يروح ويجى

فكرة من الزمن ده said...

جميلة الغنوة اوي
وينادي علينا تحفة روعة وكلامها لوحده نغمة من غير نغم

العراف said...

فكرة من الزمن ده
ربنا يخليكى يارب على زوقك يارب فعلا شغلى كله يحوز اعجابك دائما

Anonymous said...

Nice Post. Dank