Powered By Blogger

love will last for ever

Wednesday, January 28, 2009

تااااااااااااااااااااااااااااااااااااااااااااااااج




لقد وصلنى هذا التاج من المدونه المعروفه ساره وانا بشكرها جدا على حسن تقديرها وبجد الكلام اللى عندى لا يوصف مدى امتنانى لها وانا بقدر استطاعتى جاوبت على الاسئله ويارب تحوز اعجابكم وانا بهدى التاج ده الى كل المدونين اللى عندى

1- لو كان ينفع تختار عصر تعيش فيه هيبقي انهي؟ ومين الحاكم؟

اختار اعيش فى عصر الرسول والصحابه والحاكم يكون الرسول


2- أول أولويه في حياتك؟

- ربنا واهلى ومستقبلى


3- أكتر حاجه بتحبها في رمضان؟

- الصيام وجو السحور والفوانيس وكده يعنى بيبقى جو حلو قوى


4- أوصف أجمل فطار ممكن تفطره؟

هو بسيط كوبايه عصير او نسكافيه مع ساندوتش


5- لو انت حاكم هتكون عادل؟ وهتعرف ازاي؟

اكيد هكون عادل جدا وهعرف من حب الناس ليا وهما اقل الطبقات فى المجتمع الفقراء والعامه والنقد وكده


6- مين أكتر اعلامي بتحبه؟
محمود سعد

-
7- لو ممكن شغلانه تانيه تختار ايه؟

كان نفسى اكون طيار او قبطان على سفينه


8- تاني بلد تحب تعيش فيه بعد مصر؟

اليابان


9- اوصف ترتيبات أجمل فرح ممكن تحضره؟

- على قد ما انا بحب الفرح بسيط بس بردو عندى مواصفات ممكن تكون مكلفه كل اللى احبه انى يبقى على يخت فى البحر


10- بتراعي كلام الناس والقيل والقال؟ وليه؟


اكيد براعى كلامك الناس لكن مش فى كل حاجه بس راى الناس مهم لان كلامهم هو اللى يحدد نظرتهم ليا لكن مش فى كل الاحوال انا بعمل اللى انا مقتنع بيه واللى شايفه انا صح ممكن يكون غلط بس لما حد ينصحنى مش هقول لا


11- صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟

اجمل العصور اللى ممكن الواحد يعيش فيها واجمل قصص الحب والرومانسيه هبقى سعيد جدااااااااااا


12- السعاده هي ... ؟

السعاده هى ارضاء ربنا ونفسك والناس


13- عندك أمل؟ وأسبابك؟

املى فى ربنا لانه عمره ما هيضيع تعب حد


14- لما تحب تهرب من كل حاجه بتروح فين؟

على البحر


15- امتي أخر مره أخدت فيها نفس وقلت ياااااه أنا كبرت؟
-
فى الاعداديه يمكن بس انا عمرى ما قلت الكلمه لانى كنت شايف نفسى كبير على طول مش سنا بس تفكيرا


16- بتشرب سجاير ولا لا؟ وايه رأيك في الستات والرجاله اللي بيشربوا؟

لا مش بشرب سجاير انا راى فى الستات والرجاله انى مش كامل الرجوله بالسجاره والستات شايف انهم حاسين بنقص


17- بتعرف ايدك الشمال ازاي؟

جانب قلبى


18- أكتر آله موسيقيه بتحبها؟

الجيتار


19- ليه الزوق والنخوه اتعدموا؟

- الزوق اتعدم لان كل واحد بياخد او بيستعير زوق الاخر والنخوه راجعه لعدم التربيه الصحيحه


20- ايه الحاجات اللي لو حصلت هتبقي سعيد؟

انى اكون مغنى وملحن مشهور


21- تحب أرض زراعيه ولا اجنس عربيات ولا كام عماره ولا فلوس في البنك؟

- ارض زراعيه


22- تحب البحر ولا النيل؟

البحر


23- مركب ولا طياره؟

مركب


24- شخص مجنون ولا عاقل؟

- مجنون فى الحب بس بحدود وفى نفس الوقت عاقل


25- تقرا كتاب ولا تتفرج علي فيلم؟

اتفرج على فيلم

10 comments:

ساره said...

مشاء الله عليك

من جد اخلاق
ومن اجاباتك حسيت انك انسان هادئ ومسالم

والله يوفقك وتحقق كل اللي تتمناه
وتصير مغني مشهور وتعمل حفلات
وانا وبنات المدونات نحظر الحفله عشان نقعد نصرخ زي مايعملون البنات المجنونات فى حفلات المشاهير

:)

Ghada_Ibrahim said...

العراف ..

والله أنت تستاهل التاج وبجدارة

لأخلاقياتكـ وتعاملكـ الطيب ..

وشكرا على هذه الاجابات الحلوة مرة ^_^

دمت اخ غالي

^_^

ادم المصرى said...

ياعم انشاء الله نشوفك عمرو دياب الجديد بس خليك مع الله افضل عشان نهيتك تكون حلوه ههههههههههه

بس بجد انتا رومنسى جدا من اجباتك بانت شخصيتك الجميله ياريت كلهم ذيك

العراف said...

ساره
ربنا يخليكى يا ساره على كلامك الجميل وانا بشكرك تانى على التاج ده ويارب اكون استهاله فعلا ويارب يوفقنا كلنا ويارب اكون مشهور بس بالخير

العراف said...

احساس طفل
شكرا على زوقك ولطفك معى

العراف said...

ادم المصرى
مرسى يا ادم يا جميل على كلامك وانا فعلا مش عارف اقول ايه بجد كل اللى اقدر اقولهولك انى خاجل على الشكر ويارب اكون انا زى الناس الاحسن منى

أريــــــــــــــــــــج said...

السلام عليكم

اتمنى لك التوفيق ان شاء الله وتحقق كل ما تصبو اليه اخي الفاضل

تقبل مروري واحترامي

العراف said...

الايام
مرسى قوى على مرورك واهتمامك

Anonymous said...

اجاباتك جميله
بتبين اد ايه انت شخصيه جميله..:)

العراف said...

هاجر
مرسى قوى ويارب اكون دايما كده