احساس غريب خارج منى
قلبى وعقلى ملكه لكنى
كل ما عينى بتيجى فى عينه
بشوفها عيون قلب جرحنى
مش عارف اللى بيحصلى
معقوله انا لسه ما نستشى
واهو يمكن وقت وهيعدى
يارب بسرعه ومايطلشى
خايف ليكون ده خيانه
وقلبى بيرجع بزمانه
لقلب زمان كان بيحبه
لكن انا مش هسمحله
العراف
قد ايه احساسى بيك
كان غلطه ماتتنسيش
واللى فات من عمرى ليك
مش حقى ليا فيك
كان لازم افهم مالبدايه
ان يوم لينا نهايه
وقبل مانخش الحكايه
كنا لازم نفتكر
ازاى نسينا حبه ليكى
حتى لو كان من طرف
ظلمنا قلب حب فيكى
كل شىء من غير هدف
و يرضى مين الظلم ده
حبينا بعض الحب ده
ومهمناش مين اتظلم
يا رب اعفى عننا
اكبر عذاب لينا الفراق
فى عنينا دمعه الافتراق
وكان ده حق اللى خان
قلب حبه وبامان
العراف
ضاع العنوان
مالقتش طريق نرجع
ولا قادر يوم اسمع
كلام يتقال عنا
حبك لسه فى قلبى
روحك ساكنه فمكانها
عايزانى اداوى جرحى
وانتى قدام عنيا
طب ليه وليه
قلبى يرضى بالعذاب
ولا غلطه انه حب
القمر ده فى يوم
مش حرام عليك ياقلبى
الغرام ده ماكنش ذمبى
الحياه يمكن تنسى
اللى فات
العراف
بشوف كلام كتير
مرسوم جوه منك
وبحس فيكى حنين
موجود جوه حضنك
قلبى زمان كان عايش
عمره ماشاف حلوين
اول ماشاف عينك
كدب عنيه الاتنين
معقول موجود لسه
فى جمالك والخفه
ناس زيك عايشين
وان كان زيك موجود
اكيد حلم ومكتوب
على راس اجمل ملكه
العراف
شايفك على طول ادامى
عايشه معايا فى احلامى
مااقدرش اتخيل انك
تكونى لحد تانى
عارفك وحاسس بيكى
اكيد فى مكان هلاقيكى
وسعتها قبل ما افكر
اوام هجرى عليكى
هاخدك جوه حضنى
واربط قلبك بقلبى
لايمكن تهربى منى
ده حلمى انى القيكى
راسمك فى خيالى عصفور
مستنى يطير للنور
وباجمل صوت بيقول
انا دايما ليك على طول
.jpg)
.jpg)
