كلام الليل: مجرد صوره

Sunday, June 28, 2009

مجرد صوره

كنتى قولتى عالنتى ناويه عليه

سبتى قلبى من غير ماتقولى ليه

قلبى حبك عكس حبك ليه

ماكنش فاهم قصد حبك ايه

مشا فى سكه مليانه بالاحلام

فضل معاكى يحلم سنه لقدام

ضعف عشان حبه ده كان انسان

شريف وطيب بعيد عن اللوعان

جرحنى حبك اللى مجرد صوره

فى بروازمقلوب على حيطه

فيها شرخ كبير خلى

كل حاجه فى حياتى مقلوبه

العراف

14 comments:

Unknown said...: :(; June 28, 2009 at 3:30 AM
ديالا said...: حلوه اوي اوي

وتنفع كمان تبقي كلمات اغنيه روعه

احييك علي احساسك

تقبل مروري; June 28, 2009 at 3:41 AM
اسماء واحلام فى وجدانى said...: راح عليك اول تعليق يا ابو حميد

فين بقى الشركا اللى بيجوا متاخرين

هو انا هاعمل كل حاجة بنفسى; June 28, 2009 at 4:09 AM
اسماء واحلام فى وجدانى said...: ماء تشرين حقك محفوظ يا بنتى

ربنا يجيبك بالسلامة; June 28, 2009 at 4:11 AM
العراف said...: esraa
ايه ده يا اسراء المفروض انى احس انك عايزه تقولى ايه على العموم مرسى على المرور الجميل اللى افتقدناه من زمان; June 28, 2009 at 5:15 AM
العراف said...: ديالا
مرسى يا جميل على كلامك بس اللى يمكن ما تعرفيهوش ان كل اللى انا بكتبه اغانى ومتلحنه وبغنيها لانى بغنى وبلحن بردو مرسى على مرورك الجميل; June 28, 2009 at 5:21 AM
العراف said...: اسماء واحلام فى وجدانى
معلش بقى خليها عليهم المره دى احسن ههههههههه هما زمانهم جايييين يجوا بالسلامه; June 28, 2009 at 5:22 AM
جحا المصرى said...: كلماتك كلها رقة تسلم ايدك بجد
أتمنى دوام التواصل; June 28, 2009 at 8:29 AM
yoyo said...: صباحك سكر

يعنى هاكون ناوية على ايه
غير حب و طيبة وحنان
انا قلبى بحبك كان عايش
عشت كتير معاك احلام
حلمت كتير وياك بالامان
بس يا حبيبى كل دا هيفضل كدا احلام
كل دا مش اكتر من مجرد اوهام
فجاة صحيت من الحلم على واقع صعب
على دنيا مش تعرف للحب معنى
قولت ابعد و اسيبك لاحلامك
بس ببعدك يا حبيبى قتلت بيدى القلب
آآه منك يا زمن فيها الماديات تعيش و القلب

يموت

تسلم ويسلم احساسك و الله
يعنى مشاء الله فى الحب مش لك حل وفى

الجرح برده
ربنا يسعدك ويسعد قلبك يارب
تحياتى
يويو; June 28, 2009 at 3:52 PM
yoyo said...: و الله يا احمد شكلى انا اللى حسدتك بقى
ههههههههه
انا قولت زمانك عامل احلى احتلال
يالا خيرها فى غيرها بقى
يويو; June 28, 2009 at 3:56 PM
العراف said...: جحا المصرى
دى شىء يشرفنى يا جميل ومرسى قوى على كلامك الجميل ده ويارب تكون المدونه عجبتك; June 28, 2009 at 5:01 PM
العراف said...: yoyo
مساء الورد
يااااااه انتى كل مره كده تحرجينى بجمال كلماتك وتواصلك معايا فى المواضيع مش بقولك نعمل دويتو بقى بجد زياره جميله دايما زيارتك بتنور صفحتى يارب دوم التواصل; June 28, 2009 at 5:04 PM
The illusionist said...: ايه يا عم
انت واخد الاحتراف والكلام الحلو هوايه ولا ايه
ايه الجمال ده
مش عارف انا خايف احسدك يا عم
بسم الله ما شاء الله
ربنا يكملك كمان وكمان; July 1, 2009 at 1:18 AM
العراف said...: THE illusionist
ربنا يكرمك يارب بس الكلام اكبر منى بكتتتتير انا عادى والله جدا وتحسد ايه يا عم ولا على ايه من جمالها ههههه عادى يعنى مرسى يا جميل على كلامك الجميل وزيارتك الاجمل; July 1, 2009 at 1:55 AM